السلام عليكم يا فتى و يا فتية
أو إذا كنت رجلاً عجوزاً أو صبية
على أيةِ حال فهذا ليس ذو أهمية , لأنك الآن في منتدانا الغالي المليء بالحيوية
منتدى الثقافات و الحوارات و الإبداعات القوية , المنتدى الذي لا يعترف بسنٍ أو جنسية
المنتدى العام لكل هذه المنتديات التخصصية

منتديات فانتاستك فور
شكرا ادارة المنتدى

السلام عليكم يا فتى و يا فتية
أو إذا كنت رجلاً عجوزاً أو صبية
على أيةِ حال فهذا ليس ذو أهمية , لأنك الآن في منتدانا الغالي المليء بالحيوية
منتدى الثقافات و الحوارات و الإبداعات القوية , المنتدى الذي لا يعترف بسنٍ أو جنسية
المنتدى العام لكل هذه المنتديات التخصصية

منتديات فانتاستك فور
شكرا ادارة المنتدى

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةحكايتى مع بنت الجيرااااااااااان I_icon14أحدث الصورالتسجيلدخول

 

 حكايتى مع بنت الجيرااااااااااان

اذهب الى الأسفل 
2 مشترك
كاتب الموضوعرسالة
a&m
Admin
a&m


المساهمات : 431
تاريخ التسجيل : 06/10/2009
العمر : 33

حكايتى مع بنت الجيرااااااااااان Empty
مُساهمةموضوع: حكايتى مع بنت الجيرااااااااااان   حكايتى مع بنت الجيرااااااااااان Icon_minitimeالأحد أكتوبر 11, 2009 9:32 pm

الحكاية بتبدأ من حوالى سنتين....
العفش بينزل من على عربية النقل...


و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..


و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)


و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...


الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..


و لما شافتنى زى ما تكون شافت عفريت ودخلت على جوة جرى...



و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...


و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...


لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟



قالتلى عندى 3 سنين



رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر مع بعض





اوعى يكون حد افتكر حاجة تانية ههههههههه
الرجوع الى أعلى الصفحة اذهب الى الأسفل
https://fantasticfour.ahlamontada.com
عادل




المساهمات : 8
تاريخ التسجيل : 07/12/2009

حكايتى مع بنت الجيرااااااااااان Empty
مُساهمةموضوع: حكايتى مع بنت الجيران   حكايتى مع بنت الجيرااااااااااان Icon_minitimeالأربعاء ديسمبر 09, 2009 12:02 am



مفهمتكش غلط ههههههههههههههههههههههههههههههههههههههههههههههههه بس حلوةةةةةةةةةةةةةةةةةةةةةةةةةة


Very Happy Very Happy Very Happy Very Happy Very Happy Very Happy
الرجوع الى أعلى الصفحة اذهب الى الأسفل
 
حكايتى مع بنت الجيرااااااااااان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الضحك والفرفشة :: خمسة فرفشة-
انتقل الى: